Адкрытая хрысціянская акадэмія (АХА) – гэта адукацыйны праект евангельскіх супольнасцей з Украіны і Беларусі, які накіраваны на распаўсюджванне цэласнага біблійнага светапогляду ў інтэлектуальнай і сацыяльнай сферы, пашырэнне гуманітарных ведаў і стварэння нэтворкінгу ў хрысціянскіх супольнасцях дзеля рэалізацыі практычных праграм, якія ўвасабляюць хрысціянскія каштоўнасці ў розных аспектах жыцця.
ПАЧАТАК НАВУЧАННЯ:
2 лістапада 2023 года
ПРЭЗЕНТАЦЫЯ ПРАЕКТА:
прэзентацыйнае відэа на ўкраінскай мове
АКТУАЛЬНАСЦЬ ПРАЕКТА
Праект АХА пакліканы знайсці адказы на выклікі сучаснасці як нацыянальныя, так і глабальныя.
Асноўны акцэнт робіцца на фармаванні хрысціянскай інтэлігенцыі, здольнай распаўсюджваць акадэмічныя гуманітарныя веды, якія ўплываюць на культуру і нацыянальныя працэсы. Праект павінен дапамагчы маладой евангельскай Царкве, якая толькі пачынае фармаваць свае ўласныя інстытуты для дыялогу з грамадствам, не ісці па леваліберальным шляху, але закласці трывалую аснову біблійнага светапогляду і традыцыйнай хрысціянскай сістэмы каштоўнасцей.
МЭТА ПРАЕКТА
Канчатковай мэтай праграм АХА з’яўляецца стварэнне лакальных сетак сярод хрысціян розных канфесій, якія сістэматычна ажыццяўляюць праекты хрысціянскага ўплыву на грамадства.
Фармаванне гэтых сетак ажыццяўляецца праз адукацыю і ўзаемадзеянне актыўных хрысціян. Ключавым фактарам фармавання такіх сетак з’яўляецца падрыхтоўка лідараў, якія здольныя спалучаць цэласны біблійны светапогляд, прафесіяналізм і хрысціянскі характар.
Мэту АХА можна адлюстраваць у трох пунктах:
Павышэнне ўзроўню ведаў і фармаванне цэласнага біблійнага светапогляду ў грамадскай сферы сярод евангельскіх хрысціян, а таксама матывацыя да выканання хрысціянскай місіі ў публічнай сферы.
Фармаванне новай катэгорыі хрысціянскіх служыцеляў, якія як прафесіяналы ў сваёй галіне (адукацыя, сродкі масавай інфармацыі, палітыка, мастацтва і г.д.) усвядомлена рэалізавалі б сваё пакліканне – несці хрысціянскую праўду ў розныя сферы грамадскага жыцця.
Дапамога пастарам і хрысціянскім лідарам у працы з інтэлігенцыяй і грамадскаактыўнымі людзьмі. Гуманітарная адукацыя для пастараў і царкоўных дзеячаў.
У ПАРТНЕРСТВЕ З УНІВЕРСІТЭТАМІ
Вызначальным фактарам функцыянавання АХА з’яўляецца супрацоўніцтва і цеснае партнёрства з Нацыянальным універсітэтам «Астрожская акадэмія» – першым універсітэтам ва Усходняй Еўропе, Spring Arbor University (ЗША), а таксама іншымі кансерватыўнымі ўніверсітэтамі, зацікаўленымі ў знешніх адукацыйных праграмах.
ВЫКЛАДЧАЦКІ СКЛАД І СЕРТЫФІКАТ
Да выкладчыкаў Адкрытай хрысціянскай акадэміі плануецца далучыць выкладчыкаў амерыканскіх хрысціянскіх універсітэтаў, а таксама ўкраінскіх і беларускіх, у тым ліку Нацыянальнага акадэмічнага ўніверсітэта «Астрожская акадэмія», Універсітэта Spring Arbor (Мічыган) і вядомых хрысціянскіх лідараў з Заходняй і Усходняй Еўропы.
Па заканчэнні 7 месяцаў навучання студэнты атрымліваюць міжнародны сертыфікат ад Астрожскай акадэміі і Універсітэта Spring Arbor.
КАШТОЎНАСЦІ АДКРЫТАЙ АКАДЭМІІ
Праект Адкрытай Хрысціянскай Акадэміі ініцыяваны служэннем Усходнееўрапейская Рэфармацыя. Дзейнасць служэння Ўсходнеэўрапейская Рэфармацыя, а таксама Ўсходнеэўрапейскага лідарскага форуму, абапірацца на выразную светапоглядную парадыгму, якую мы акрэслілі ў «10 пастулатах біблійнага светапогляду ў публічнай сферы»:
1 — Тэалёгія
- Мы выступаем за клясычную біблійную тэалёгію, якая адпавядае эвангельскай традыцыі, праверанай стагодзьдзямі і досьведам чалавецтва.
- Мы супраць лібэральнай тэалёгіі ў яе мадэрнісцкім ці постмадэрнісцкім фармаце, якая прывяла да глыбокага крызісу Царкву Заходняй Эўропы.
2 — Мараль
- Мы за традыцыйную хрысьціянскую мараль, якая абапіраецца на дзесяць прыказаньняў. Менавіта яна фармавала ў нашай цывілізацыі разуменьне, што такое дабро, а што зло.
- Мы супраць маральнага рэлятывізму, наступстваў сэксуальнай рэвалюцыі і розных сьвецкіх этычных стандартаў, якія ўсё больш запаўняюць цэрквы.
3 — Царква
- Мы акцэнтуем значэньне памеснай царквы, якая ўсьведамляе сябе часткай вялікага арганізму Царквы ўсяленскай.
- Мы супраць «царкоўнага эгацэнтрызму», што праяўляецца ў канкурэнцыі паміж цэрквамі і аб'яднаннямі цэркваў, як і супраць «царкоўнага касмапалітызму», калі асоба не належыць ні да якой памеснай царквы, аргументуючы гэта належнасцю да «ўсяленскай царквы».
4 — Вера і розум
- Мы за інтэграцыю веры і розуму, паколькі чалавек створаны на вобраз і падабенства Мудрага Бога.
- Мы супраць антыінтэлектуалізму, які не дазваляе нам «любіць Бога ўсім разуменьнем сваім».
5 — Грамадзтва
- Мы за адкрытасьць Царквы на грамадзкае вымярэньне служэньня, вызначэньня місіі Царквы, як солі і сьвятла для грамадзтва.
- Мы супраць мэнтальнасьці ізаляцыі, што падзяляе сьвет на «духоўнае» і «не-духоўнае».
6 — Улада
- Мы верым, што інстытут улады на зямлі, у тымліку і дзяржава, устаноўлены Богам і мусіць быць адлюстраваньнем справядлівай улады Бога. Мы абавязаны падтрымліваць інстытут улады. Мы за грамадзянскую супольнасьць адукаваных, актыўных, адказных грамадзянаў, якія ўмеюць кантраляваць дзяржаўную ўладу.
- Мы супраць ерасі цэзарапапізму, якая зьяўляецца ідалапаклонствам і вядзе да фатальных наступстваў у жыцьці народаў, калі сьвецкая ўлада выкарыстоўвае Царкву ў сваіх маніпулятыўныя мэтах. Мы таксама супраць анархіі, якая вядзе да хаосу і зьяўляецца супраціўнай прыродзе Бога.
7 — Патрыятызм
- Мы за патрыятызм, заснаваны на біблійных прыказаньнях: «палюбі бліжняга твайго, як самога сябе» і «шануй бацьку свайго і маці сваю» і які зьяўляецца праявай высакароднай любові да сваёй бацькаўшчыны.
- Мы супраць шавінізму, інтэгральнага нацыяналізму, расізму, якія зьяўляюцца ідалапаклонствам. А таксама супраць касмапалітызму, што супярэчыць біблійнай задуме для народаў.
8 — Эўропа
- Мы за эўрапейскі цывілізацыйны вэктар. Украіна і Беларусь з самага пачатку былі часткай эўрапейскай цывілізацыі, натхнёнай хрысьціянскімі каштоўнасьцямі. Мы верым, што ў Божым пляне нашы народы маюць унікальную місію ў эўрапейскай сям’і народаў.
- Мы супраць нездаровага мэсіянскага комплексу пра асаблівую славянскую чыстую духоўнасьць, якая сябе ставіць у процівагу «загніваючаму Захаду». У той жа час мы супраць ідэалёгіі сэкулярызму, якая апанавала эўрапейскую культуру і вядзе яе ў глыбокі крызіс сваёй тоеснасьці.
9 — Камунізм
- Мы супраць утапічнай і антыгуманнай ідэалёгіі марксізму-ленінізму. Мы асуджаем камунізм і ўсе яго плады.
- Мы за пакаяньне ў грахах камунізму і ачышчэньне грамадзтва ад усіх яго наступстваў.
10 — Постмадэрнізм
- Мы супраць разбуральнай ідэалёгіі постмадэрнізму, якая зьяўляецца вынікам цяжкой хваробы сучаснай цывілізацыі, хоць мы ўсьведамляем, што жывем у эпоху постмадэрну. Мы хочам даносіць эвангельскую вестку сьвету сёньня на зразумелай яму мове.
- Мы за вечныя каштоўнасьці ідэалу, дабра, прыгажосьці, і ўсякай гармоніі якая мае свой пачатак у Богу, Які стварыў гэты сьвет і чалавека на свой вобраз. Менавіта гэтыя вечныя каштоўнасьці будавалі хрысьціянскую цывілізацыю на працягу стагодзьдзяў.
Паспейце зарэгістравацца!
Да пачатку навучання засталося: